لاہور( این این آئی) پاکستان مسلم لیگ (ن) کے رکن قومی اسمبلی ریاض پیرزادہ نے پارٹی چھوڑنے کی خبروں کی تردید کرتے ہوئے کہا کہ میرا قائد ، رہبر اور لیڈر محمد نواز شریف جیل میں ہے میں انہیں کیسے چھوڑ سکتا ہوں ۔ اپنے ویڈیو بیان میں ریاض پیرزادہ نے کہا کہ پاکستا ن کے میڈیا ن میں کچھ افواہیں پھیلائی جارہی ہیں جو قابل افسوس ہیں۔ لوگ سیاست میں میرے کردار سے واقف ہیں ۔
میرا قائد ،رہبر اور یڈر محمد نواز شریف اس وقت جیل میں ہے میں انہیں کیسے چھوڑ سکتا ہے او ریہ عزت دار آدمی کا کام نہیں ہوتا۔ انہوںنے کہا کہ میں کردار حسین پڑھنے والا ہوں ،کرسی یذید سے محبت کرنے والا نہیں ۔انہوں نے کہا کہ میری درخواست ہے کہ آئندہ ایسی افواہوں سے گریز کیا جائے۔ انشا اللہ میں اپنے جذبے اور ایمان کے ساتھ نواز شریف اور( ن )لیگ کے ساتھ کھڑا ہوں ۔
