اسلام آباد(مانیٹرنگ ڈیسک)سابق صوبائی وزیر تعلیم اور مسلم لیگ (ن) کے رہنما رانا مشہود کو امریکا جانے سے روک دیاگیا۔نجی ٹی وی کے مطابق رانا مشہود کا نام بلیک لسٹ میں شامل ہونے کی وجہ سے انہیں غیر ملکی ایئر لائن کی امریکا جانے والی پرواز سے آف لوڈ کیا گیا۔ اس موقع پررانا مشہود اور امیگریشن اہلکاروں
کے درمیان سخت جملوں کا تبادلہ بھی ہوا ۔ ایف آئی اے امیگریشن اہلکاروں نے رانا مشہود کو صاف بتا دیا کہ ان سے مت الجھیں نام بلیک لسٹ سے خارج کرائیں اس کے بعد جہاں چاہیں جائیں۔دوسری جانب نیب نےرانا مشہود کو 8 جولائی کوطلب کرلیا،رانامشہودکو پنجاب سپورٹس فیسٹیول میں مبینہ کرپشن کیس میں طلب کیا گیا۔
