کراچی (این این آئی) آئل اینڈ گیس ریگولیٹری اتھارٹی(اوگرا) کی جانب سے پیٹرولیم مصنوعات میں 2روپے30پیسیردوبدل کی سمری تیار کر لی گئی ہے۔سمری میں پٹرول کی قیمت میں 77 پیسے فی لٹرکمی کی تجویز کی گئی ہے جبکہ دیگر پٹرولیم مصنوعات کی قیمتوں میں 2روپے 30 پیسے تک اضافے کاامکان ہے۔سمری کے مطابق ہائی اسپیڈڈیزل کی قیمت

میں 2روپے 30 پیسے جبکہ لائٹ ڈیزل کی قیمت میں 26 پیسے اضافے کی سفارش کی گئی ہے۔ دوسری جانب پٹرول کی قیمت میں 77 پیسے فی لیٹر جبکہ مٹی کے تیل کی قیمت میں 2 روپے 94 پیسے کمی کی تجویز دی گئی ہے۔اس حوالے سے اوگرا نے پٹرولیم ڈویژن کوسمری ارسال کردی ہے اور نئی قیمتوں کا اطلاق یکم جولائی سے ہوگا۔