اسلام آباد(این این آئی)سپریم کورٹ کے جج جسٹس قاضی فائز عیسیٰ کے خلاف سپریم جوڈیشل کونسل کی کارروائی کے معاملہ پر سپریم کورٹ بار ایسوسی ایشن نے بھرپور ردعمل کا اعلان کر دیا ۔ ہفتہ کو میڈیا کے ذریعے معلوم ہوا سپریم جو ڈیشل کونسل کی اگلی سماعت دو جون کو ہوگی۔ امان اللہ کنرانی نے کہاکہ ہم ملک بھر کے وکلا سے
رابطے میں ہیں ،پاکستان بار کونسل، ہائی کورٹس بار، اور ڈسٹرکٹ بار ایسوسی ایشنز سے بھی رابطے تیز کر دئیے ہیں۔انہوں نے کہاکہ قاضی فائز عیسیٰ بائیس کروڑ عوام کی آنکھ کا تارہ بن چکے ہیں، قاضی فائز عیسیٰ کمزور اور طاقتور کی تفریق مٹا کر انصاف کرتے ہیں ۔ انہوں نے کہاکہ قاضی فائز عیسیٰ عدلیہ کے نیلسن مینڈیلا بن چکے ہیں ۔
