اسلام آباد (مانیٹرنگ ڈیسک)معروف تجزیہ نگار چوہدری غلام حسین نے نجی ٹی وی کے ایک پروگرام میں کہا ہے کہ امریکی صدر ڈونلڈ ٹرمپ وزیراعظم عمران خان سے ملنے کے خواہش مند ہیں، وہ چاہتے تھے ان کی عمران خان سے ملاقات جون کے ماہ میں ہو جائے لیکن وزیراعظم عمران خان بجٹ سمیت دیگر مصروفیات کی وجہ سے امریکا کے دور ے پر نہیں جا سکے۔ تاہم ابھی تازہ تفصیلات کے
مطابق عمران خان نے امریکا کا دورے کیلئے جولائی کی تاریخ دے دی ہے اور کہا کہ وہ جولائی میں امریکا کا دورہ کریں گے ۔ معروف صحافی چوہدری غلام حسین کا مزید کہنا تھا کہ یہ اطلاعات مجھے اعلیٰ سفارتی ذرائع سے ملی ہیں۔ یاد رہے کہ امریکی صدر ڈونلڈ ٹرمپ نے پاکستان کی نئی قیادت سے ملاقات کی خواہش کا اظہار کیا تھا اور وہ پاکستان کی قیادت کیساتھ جلد ملاقات منتظر اور اچھے تعلقات کے خواہاں ہیں۔
