اسلام آباد(مانیٹرنگ ڈیسک)پیپلز پارٹی کی وزیر اعلیٰ سندھ مراد علی شاہ کی گرفتاری کے امکان پر بھی مشاورت ،روزنامہ دنیا کے مطابق پیپلز پارٹی کی قیادت مراد علی شاہ کی گرفتاری کی صورت میں ناصر حسین شاہ کو نیا وزیر اعلیٰ بنانے کی تیاری کر رہی ہے۔ وہ فریال تالپور کے قریب بتائے جاتے ہیں ،وزیر اعلیٰ سندھ مراد علی شاہ ممکنہ گرفتاری سے بچنے کیلئے اپنے تمام ذرائع استعمال کر رہے ہیں ۔یاد رہے کہ ان پرالزام ہے کہ انہوں نے
تصدیق کئے بغیر سیاسی دباؤ پر سندھ حکومت کے خزانے سے اربوں روپے کی رقم شوگر ملز کو سبسڈی میں دی اور ان شوگر ملز کو بھی سبسڈی دی جن کی کوئی مشینری ہی نہیں تھی۔ان پر دوسرا الزام ہے کہ انہوں نے محکمہ خزانہ سے دیگر محکموں کو جاری کی جانے والی رقوم سے ملنے والی کمیشن کی رقم کہاں خرچ کی اسکا بھی کوئی ریکارڈ نہیں ۔یاد رہے کہ نیب نے جعلی اکائونٹس کیس میں سابق صدر آصف زرداری کو گزشتہ روز گرفتار کرلیا تھا۔
