اسلام آباد ( آن لائن ) کے پی کے میں 29 روزے پورے کرنے کیلئے (جمعہ کو) قضا روزہ رکھا گیا۔ قضا روزہ رکھنے کا اعلان سرکاری سطح پرکیا گیا۔ عوام نے مفتی پوپلزئی کی جانب سے چاند نظر آنے کے اعلان کے بعد 28 روزے مکمل ہونے پر ہی عید الفطر منالی تھی۔ تفصیلات کے مطابق جمعہ کے روز کے پی کے میں ماہ رمضان کے 29 روزے پورے کرنے کی غرض سے قضا روزہ رکھنے کا اہتمام کیا گیا۔
قضا روزہ رکھنے کا اعلان جمعرات کے روز سرکاری سطح پر کیا گیا تھا۔ 28 روزوں کے بعد عید الفطر منانے والوں نے گزشتہ روز قصا روزہ رکھا۔ کے پی کے میں مفتی شہاب الدین پوپلزئی کی جانب سے شوال کا چاند نظر آنے کے اعلان کے بعد 28 روزے مکمل ہونے پر ہی عید منالی تھی جبکہ ایک روزے کی قضا پوری کرنے کیلئے جمعہ کے روز سرکاری سطح پر روزہ رکھنے کا اعلان کیا گیا۔
