اسلام آباد (این این آئی) الیکشن کمیشن نے سحرکامران کے خلاف نا اہلی درخواست خارج کر دی۔ پیر کوپیپلز پارٹی پارلیمنٹرین کی سابق سینیٹر سحر کامران کی نااہلی معاملہ پر الیکشن کمیشن کے ممبر پنجاب الطاف ابراہیم قریشی کی سربراہی میں دو رکنی کمیشن نے سماعت کی ۔سینیٹر سحر کامران الیکشن کمیشن بذات خود پیش ہوئیں اور الیکشن کمیشن میں جواب جمع کرا دیا۔ سحرکامران نے کہاکہ جدہ میں
نجی ادارے کے ساتھ ملازمت کی، قومی خزانے سے کوئی تنخواہ نہیں لی۔سحر کامران نے کہاکہ کسی نے درخواست دے دی کہ جب میں سینیٹر منتخب ہوئی تو جدہ سے بھی تنخواہ لیتی رہی۔سحر کامران نے کہاکہ جب سینیٹ انتخابات کے لئے کاغذات نامزدگی جمع کرائے تھے اس وقت تمام حقائق الیکشن کمیشن کے سامنے ظاہر کئے۔الیکشن کمیشن نے سحرکامران کے خلاف درخواست خارج کر دی۔
