اسلام آباد(مانیٹرنگ ڈیسک)وزیراعظم عمران خان سے شاہ محمود قریشی اور جہانگیر ترین کی علیحدہ علیحدہ ملاقات ، دونوں رہنماؤں کو کشیدگی دور کرنے کی ہدایت کردی۔نجی ٹی وی کے مطابق وزیراعظم عمران خان نے پی ٹی آئی رہنماؤں شاہ محمود قریشی اورجہانگیر ترین سے الگ الگ ملاقات کی اور دونوں رہنماؤں کو کشیدگی دور کرنے کی ہدایت کردی۔
ذرائع کا کہنا ہے کہ عمران خان کی پارٹی رہنماؤں سے2روز قبل اسلام آبادمیں ملاقات ہوئی، وزیراعظم نے دونوں رہنمائوں سے صوبائی کابینہ کے حوالے سے بھی مشاورت کی،ملاقات میں وفاق،پنجاب اورخیبرپختونخواکے حکومتی معاملات بھی زیربحث آئے،واضح رہے کہ دونوں رہنمائوں کے درمیان کچھ دن پہلے لفظی جنگ چھڑ گئی تھی ۔
