اسلام آباد (این این آئی)بھارتی سفارتکاروں کا مبینہ طورپر ہراساں کئے جانے کاالزام،سرکاری امور کو میڈیا لیک کے ذریعہ حل کرنے کی کوشش قابل مذمت ہے ۔سفارتی ذرائع کے مطابق منتخب میڈیا کے ذریعہ سرکاری امور لیک کرنا معاملہ حل کرنے کے بجائے سنسنی خیزی پھیلانے کی کوشش ہے ۔ذرائع نے بتایاکہ پاکستان کوسرکاری ذریعہ سے شکایت موصول ہوئی ہے اور اس کا جائزہ لیا جارہا ہے ۔سفارتی ذرائع کے مطابق حقائق اکھٹے کیے جارہے ہیں ۔
ضرورت محسوس ہوئی تو ایکشن لیا جائیگا۔ذرائع کے مطابق دہلی سے یاتریوں کیساتھ آنے والے ایڈیشنل پروٹوکول آفیسرز کو ایک دن میں ویزا دیا گیا ،بھارت کی جانب سے کرتاپور راہداری سے متعلق دو اپریل کا اجلاس منسوخ کیا گیا۔سفارتی ذرائع کے مطابق اس کے باوجود پاکستان راہداری رواں سال کھولنے کے لیے پرعزم ہے۔ذرائع کے مطابق سکھ برداری کی خواہشات اور پاکستا ن قیادت کے عزم کی روشنی میں راہداری کھولی جارہی ہے ۔
