اسلام آباد(مانیٹرنگ ڈیسک)پی ٹی آئی رہنما عثمان ڈار ،سابق وزیر اعلیٰ پنجاب شہباز شریف پربرس پڑے،نجی ٹی وی پر گفتگو کرتے ہوئے عثمان ڈار نے کہا کہ واقعی شہباز شریف سچ کہتے تھے کہ انہوں نے ایک دھیلے کی کرپشن نہیں کی۔کیونکہ انہوں نے اربوں روپے کی کرپشن کی ہے۔آج اربوں کھربوں کی شہباز شریف کی ٹی ٹی پکڑی گئی ہیں تو کیا آج ان کا نام بدل کر شہباز شریف سے ٹی ٹی شریف رکھ دیں۔ ان کی کرپشن کا ایک دھیلا 85ارب روپے کا ہے تو

اندازہ لگائیں کہ انہوں نے کتنے اربوں کی چوری کی ہے۔جو ایک دھیلے کی کرپشن کے روادار نہیں تھے وہ اربوں کی چوری میں ملوث نکلے۔عثمان ڈار نے شریف برادران کو تنقید کانشانہ بناتے ہوئے کہا کہ جن کی کرپشن کا ایک دھیلا 85ارب کا ہو اور وہ بھی ایک پراجیکٹ سے تو اتنے سالوں کی حکومت کے دوران انہوں نے کیاگل کھلائے ہوں گے آپ اندازہ لگا لیں۔واضح رہے کہ گزشتہ روز بھی عمران خان نے کہا تھا کہ ایک لندن بھاگ گیا ہے اور دوسرا تیار ی کررہا ہے ۔