اسلام آباد(مانیٹرنگ ڈیسک)خیبر پختونخوا حکومت کی کابینہ میں توسیع کا فیصلہ ، پرویز خٹک کے بھائی بھی کابینہ کا حصہ بنیں گے ۔جیونیوز کے مطابق وزیراعلیٰ خیبر پختونخوا محمود خان نے پرویز خٹک کے بھائی لیاقت خٹک کو وزیر بنانے کی منظوری دیدی ہے ۔لیاقت خٹک وزیر کی حیثیت سے کل حلف اٹھائیں گے ۔
واضح رہے کہ پرویز خٹک خیبر پختونخواکے سابق وزیراعلیٰ رہ چکے ہیں تاہم اب وہ وفاقی وزیر دفاع کے اہم عہدے پر تعینات ہیں ۔پرویز خٹک کے بھائی کو وزیر کا عہدہ دیے جانے سے متعلق خیبر پختونخوا حکومت کی جانب سے تاحال سرکاری سطح پر کسی قسم کا کوئی بیان سامنے نہیں آ سکا۔
