اسلام آباد(مانیٹرنگ ڈیسک)وزیر ریلوے شیخ رشید احمد کی بڑی خواہش پوری ، پاکستان اور چین کے درمیان ریلوے کے معاہدے ایم ایل ون پر دستخط ہو گئے،نجی ٹی وی کے مطابق وزیراعظم عمران خان اور چینی ہم منصب لی کی چیانگ نے معاہدے پر دستخط کئے۔پاکستان اور چین کے درمیان ایم ایل ون معاہدے پر دستخط کے بعد وزیر ریلوے شیخ رشید نے کہا کہ آج پاکستان میں ریلوے کی تاریخ کا بڑا دن ہے ،منصوبے کے
تحت پشاور سے کراچی تک ڈبل ٹریک بنایا جائے گا،انہوں نے کہا کہ نئے ٹریک پر ٹرین کی سپیڈ کم ازکم 160 کلومیٹر فی گھنٹہ ہو گی ،شیخ رشید کا کہنا ہے کہ 13 سال پہلے میں نے ہی اس منصوبے کی فزیبلٹی پر دستخط کئے تھے اوراب معاہدے پر دستخط ہو نا بڑی کامیابی ہے ، واضح رہے کہ شیخ رشید نے اپنی ایک پریس کانفرنس میں کہا تھا کہ نالہ لئی کی تعمیر اور ایم ایل ون منصوبہ مکمل ہونا ان کی زندگی کا مقصد ہے ۔
