اسلام آباد (مانیٹرنگ ڈیسک) وزیراعظم کے طیارے میں تکنیکی خرابی،عمران خان اور انکے وفد میں شامل وزرا کو نیچے اتار لیا گیا،نجی ٹی وی کے مطابق وزیراعظم عمران خان چین کے دورے پر روانگی کیلئے ائیر پورٹ پہنچے تو کچھ دیر بعد وزیراعظم کے طیارے میں تکنیکی خرابی پیدا ہوگئی، طیارے کا اے سی کام نہیں کررہا، انجینئرزکی ٹیم طیارے میں ہونے والی خرابی کا جائزہ لے رہی ہے۔ ذرائع کے مطابق وزیراعظم عمران خان

خود بھی طیارے میں موجودتھے۔ وزیراعظم عمران خان اور وفد کو طیارے سے اتار کر لاؤنج میں بٹھا دیا گیا ہے۔ واضح رہے وزیراعظم عمران خان آج 4 روزہ دورے پر چین روانہ ہورہے ہیں، وزیراعظم 25 سے 29 اپریل تک چین کا دورہ کریں گے، مشیر خزانہ حفیظ شیخ ، وزیر ریلوے شیخ رشید ، وزیرآبی منصوبہ بندی وزیراعظم کے ہمراہ ہیں جبکہ علی زیدی، رزاق داؤد، خسروبختیار، زلفی بخاری بھی وفد میں شامل ہیں۔