اسلام آباد(مانیٹرنگ ڈیسک) اسد عمرکی جانب سے استعفیٰ دینے کے بعد عمران خان نے عمر ایوب کو وزیر اعظم ہائوس طلب کرلیا۔ نجی ٹی وی کے مطابق وزیر خزانہ کیلئے کئی نام گردش کر رہے ہیں ان میں شمشاد اختر ،شوکت ترین ،حفیظ شیخ ، عمر ایوب شامل ہیں ، ذرائع کے مطابق عمر ایوب کو وزیر خزانہ کا عہدہ سونپا جا سکتا ہے ۔دوسری جانب اسد عمر کے بعد وزیر صحت عامرکیانی اور وزیر مملکت
داخلہ شہریار آفریدی ،وزیر پٹرولیم غلام سرور کا نمبر ہے ،مشاور ت مکمل کر لی گئی ،وفاقی کابینہ میں تبدیلیوں کا پہلا فیز جلد مکمل ہو گا، نجی ٹی وی کے مطابق دو سے تین وزرا کیخلاف کرپشن کے الزامات کے تحت تحقیقات جاری ہیں ۔ ذرائع کے مطابق عمران خان کرپشن پر کسی قسم کا سمجھوتہ کرنے کو تیار نہیں ،دوسری جانب اپوزیشن کی جانب سے بڑھتا دبائو بھی اس کی ایک وجہ ہے ۔
