اسلام آباد (مانیٹرنگ ڈیسک)گاڑیوں کے بعد وزیراعظم ہاؤس کا سامان بھی برائے فروخت، نجی ٹی وی کے مطابق وزیراعظم ہاؤس کی جانب سے مختلف سامان فروخت کرنے کا ٹینڈر جاری کر دیا گیا ہے۔جس کے تحت وزیراعظم ہاؤس کے برتن تک فروخت کیے جائیں گے۔فروخت کے لیے پیش کیے جانے والے سامان میں تولیے اور بیڈ شیٹس بھی شامل ہیں۔

اس کے علاوہ دفتری سامان ،بیٹریاں، پرزہ جات اور دیگر گھریلو سامان شامل ہے۔بولی دہندگان کو بولی کی رقم کی ادائیگی کے بعد سامان اسی وقت اٹھانا ہو گا،بولی کی اصل رقم کے علاوہ بولی کا 10فیصد بطور ایڈوانس انکم ٹیکس بھی موقع پر ادا کرنا پڑے گا۔واضح رہے اس سے قبل وزیراعظم ہاؤس کی گاڑیاں ، بھینسیں بھی نیلام کر دی گئی تھیں۔

موضوعات:وزیر اعظم ہائوس