لاہور(مانیٹرنگ ڈیسک) ن لیگ کےرہنما دانیال احمد نے نجی ٹی وی کے ایک پروگرام میں گفتگو کرتے ہوئے کہا ہے کہ تحریک انصاف کی حکومت کے وزیر پاکستان کو کبھی کنگال کہتے تو دوسری طرف معیشت کا کنگلا کہنا شروع کر دیتے ہیں۔ ان کا کہنا تھا کہ حالات اب ایسی جگہ جا پہنچے ہیں کہ ڈالر ان کی پکڑ میں نہیں آرہا اور دن بدن مہنگائی کی شرح میں اضافہ ہو تا جارہا ہے ۔ ایسی صورتحال میں حکومتی وزرا اور ان تھنک ٹینکس کے ہاتھ پائوں پھولے ہوئے ہیں۔ اپوزیشن جماعتیں کئی بار

حکومت کا تختہ الٹنے کو تیار ہو چکی ہے جبکہ حکومتی پارٹی کے اندر دھڑے اور گروپ سازی دیکھنے میں آ رہی ہے ، اس کی تازہ مثال شاہ محمود قریشی اور جہانگیر ترین ہیں۔ گزشتہ شب نجی ٹی وی کے ایک پروگرا میں گفتگو کرتے ہوئے ن لیگ کے رہنما دانیال احمد نے دعویٰ کیا ہے کہ ان کی پارٹی کو ارد گرد سے آفرز مل رہی ہیں کہ آپ آئیے اور پنجاب حکومت سنبھالیںکیونکہ حکومت نے معیشت کا جنازہ نکال دیا ہے جبکہ ہمارا اس حوالے سے ابھی ایسا کوئی ارادہ نہیں ہے ۔