مظفرآباد (نیوز ڈیسک) بھارتی فوج نے سیز فائر کی خلاف ورزی کرتے ہوئے لائن آف کنٹرول پر پاکستانی شہری آبادی پر حملہ کر دیا، بھارتی فوج کی جانب سے چری کوٹ سیکٹر پر شہری آبادی پر بلااشتعال فائرنگ کی گئی، جس کے نتیجے میں بچوں سمیت چھ افراد شدید زخمی ہوئے، زخمی ہونے والے افراد کو فوری طور پر ہسپتال منتقل کر دیا گیا، آئی ایس پی آر کے مطابق بھارت
کی جانب سے ایک بار پھر لائن آف کنٹرول پر سیز فائر کی خلاف ورزی کی گئی ہے۔ بھارتی فوج نے جمعہ کی شب لائن آف کنٹرول کے قریب چری کوٹ سیکٹر پر شہری آبادی کو نشانہ بنایا، آئی ایس پی آر کے مطابق بھارتی فوج کی فائرنگ کی بدولتدو بچوں اور خواتین سمیت کل چھ افراد شدید زخمی ہوئے۔ پاک آرمی کی طرف سے بھارتی فوج کو بھرپور جواب دیا جا رہا ہے۔
