اسلام آباد (این این آئی)وزیر اعظم عمران خان کی جانب سے کابل میں نگراں حکومت تشکیل دینے کی تجویز کی خبروں پر افغانستان نے پاکستان سے اپنے سفیر کو واپس بلالیا۔افغان وزارت خارجہ کے ترجمان صبغت اللہ احمدی نے سماجی رابطے کی ویب سائٹ پر بیان جاری کرتے ہوئے کہا کہ افغانستان نے پاکستان کے ڈپٹی سفیر
کو وزیر اعظم کے غیر ذمہ دارانہ بیان پر بحث کیلئے وزارت امور خارجہ میں طلب کیا انہوں نے کہاکہ عمران خان کے بیان سے پاکستان کی مداخلتی پالیسی ثابت ہوتی ہے اور یہ افغانستان کی خود مختاری پر حملہ ہے۔افغان سفارت خانے کی جانب سے جاری ہونے والے بیانیے سے اس پیش رفت کی تصدیق ہوئی۔