اسلام آباد(مانیٹرنگ ڈیسک)صوبہ پنجاب کے شہر سرگودھا کا تعلیم یافتہ نوجوان 12سال سے بھارت کی امرتسر جیل میں قید، ماں بیٹے کی واپسی کا انتظار کرتے کرتے اپنے خالق حقیقی سے جا ملی۔ میڈیا رپورٹس کے مطابق چک 122 شمالی کے محنت کش ظہور کابیٹاعرفان 2007 میں کمپیوٹرز پارٹس خریدنے بھارت گیا اور سمجھوتہ ایکسپریس دھماکہ میں زخمی ہوا جسے

علاج کے لئے پانی پت ہسپتال میں رکھا گیا۔اس کا بھائی مبشر پاکستان سے بھارت پانی پت ہسپتال پہنچا لیکن وہاں نہ ملنے دیا گیا۔بھائی مایوس ہو کر واپس آگیا ،بیٹے کی جدائی کے غم میں نڈھال ماں کلثوم بی بی دم توڑ گئی۔واضح رہے کہ اس سے پہلے بھارت میں پاکستانی شہر ی شاکر اللہ کو بھی انڈین جیل میں قتل کردیا گیا تھا جس کے بعد اس کی لاش پاکستان کےحوالے کی گئی ۔