اسلام آباد (مانیٹرنگ ڈیسک) بھارت کی جیل میں قتل کیے جانے والے پاکستانی شہری شاکر کی ابتدائی پوسٹمارٹم رپورٹ کی تفصیلات منظر عام پر آگئیں۔میڈیا رپورٹس کے مطابق شاکر کی موت سر میں گہری چوٹیں لگنے کے سبب ہوئی۔ ابتدائی پوسٹمارٹم رپورٹ میں شاکر کے جسم سے دل اور دماغ کا کچھ حصہ غائب ہونے کا انکشاف بھی ہوا۔ پوسٹمارٹم رپورٹ مرتب
کرنے والے ڈاکٹر عمر فاروق نے بھی شاکر اللہ پر تشدد ہونے کی تصدیق کر دی۔میڈیکل بورڈ کے چیئرمین ڈاکٹر فاروق نے کہا کہ شاکر اللہ کا پہلے بھی پوسٹمارٹم ہوا ہے۔ شاکر اللہ کے جسم کے مختلف حصوں کے نمونے فرانزک لیب لاہور بھیجے گئے ہیں۔ واضح رہےکہ بھارتی جیل میں قتل کیے جانے والے پاکستانی قیدی شاکر اللہ کی میت کوگذشتہ روز پاکستان کے حوالے کیا گیا تھا۔
