پنگریو(این این آئی)بدین میں موجودہ ملکی صورتحال کو مد نظر رکھتے ہوئے سارے محکموں کے افسران کی چھٹیاں منسوخ کردی گئی ہیں افسران کو چاہئے کہ وہ اپنے اپنے ہیڈکوارٹر میں موجود رہیں اس بات کا اظہار ڈپٹی کمشنر بدین ڈاکٹر حفیظ احمد سیال نے دربار ہال بدین میں ملک میں ایمرجنسی کے سلسلہ میں بلائے گئے اجلاس کی صدارت کر تے ہوئے کیا اس موقع پر ڈسٹرکت ہیلتھ آفیسر بدین کو ہدایت دیتے ہوئے انہوں نے کہا کہ ضلع میں جو بھی سرکاری اسپتالیں ہیں ان کو مکمل ادویات کی فراہمی کے ساتھ
اسٹاف کو ڈیوٹیوں کے لیئے پابند کیا جائے انہوں نے کہا ایمبولنس ، اسٹاف اور میڈیسن کی مکمل تفصیل ضلع انتظامیہ کو دی جائے انہوں نے محکمہ تعلیم کے افسران کو ہدائت کی کہ ضلع کے سارے سرکاری اسکولز اور اساتذہ کی مکمل لسٹ جمع کرائیں جبکہ انہوں نے محکمہ فوڈ کے افسران کو ہدایت کی کے وہ گوداموں میں گندم کا اسٹاک موجود رکھیں تاکہ ایمرجنسی کی صورت میں کام آ ئے انہوں نے پبلک ہیلتھ کے انجیئر ، میونسپل کمیٹی ، اور ٹان کمیٹی کے افسران کو کہا کہ وہ پانی اسٹور کریں اور تالابوں پر سیکیورٹی کابندوبست بھی کیاجائے جس کے لیئے ہم نے ایس ایس پی بدین کو بھی کہا ہے ڈی سی بدین نے موجودہ صورتحال کو نظر میں رکھتے ہوئے ایس ڈی او حیسکو کو ڈپٹی کمشنر بدین آفیس میں قائم کیئے گئے کنٹرول روم سے رابطے میں رہنے اور اسٹاف کو ڈیوٹیوں پر پابند رہنے کی بھی ہدایت کی انہوں نے انڈس سول اسپتال بدین کے ایڈمسٹریٹر کو حکم دیا کہ پرانی سول اسپتال اور انڈس اسپتال بدین کے وارڈز میں بستروں کے ساتھ ادویات ، بلڈ بینک ،موجودہ بلڈ اور اسٹاف کی مکمل لسٹ جمع کر وائے جبکہ سئی گیس کے افسران کو اپنی آفیس میں موجود رہنے ، ڈپٹی ڈائریکٹر سوشل ویلفیئر کو دی سی آفیس میں قائم کیئے گئے کنٹرول روم میں ڈی او پلاننگ کے ساتھ اپنی ڈیوٹی سرانجام دینے ، محکمہ ایجوکیشن کے افسر میر محمد کھوسہ کو محکمہ ایجوکیشن میں اسکاٹ اور
رضاکاروں کی لسٹ جمع کرانے اور میونسپل کمیٹی ، ٹان کمیٹیز کے افسران کو فائر برگیڈ گاڑیوں کو تیار پوزیشن میں رکھنے اور اسٹاف کو ڈیوٹیوں پر پابند کرنے کا حکم دیا ڈپٹی کمشنر بدین نیضلع کے سارے محکموں کے افسران کو کہا کہ وہ اپنے اپنے محکموں کی جانب سے ایک ایک فوکل پرسن کنٹرول روم کے لیئے مقرر کریں اور ان کے ناموں کی لسٹ ڈپٹی کمشنر آفیس میں جمع کروائیں جلاس میں سی ایم ایچ کے میجر ڈاکٹر عبدالجبار خاصخیلی ، ایڈیشنل ڈپٹی کمشنر ون بدین سید غلام مہدی شاہ مختلف محکموں کے افسران ، ٹرانسپورٹ یونین کے رہنما کے علاوہ تاجر تنظیموں کے رہنما نے بھی شرکت کی ۔
