اسلام آباد (مانیٹرنگ ڈیسک) ملک بھر کے علمائے کرام کے مطالبے پر حکومت نے جمعہ کی چھٹی بحال کرنے کیلئے وزارت داخلہ‘ وزارت مذہبی امور سمیت دیگر وزارتوں سے رائے طلب کرلی ۔روزنامہ جنگ کے مطابق تمام مکاتب فکر کے
علماء کرام نے وزیر اعظم عمران خان سے اپیل کی تھی کہ وہ ریاست مدینہ کے تصور کو عملی جامہ پہنانے کیلئے مسلمانوں کے مقدس دن جمعہ کی چھٹی کو بحال کریں، ملک میں دو طرح کی چھٹی کے نظام سے بچے اور والدین تقسیم ہو کر رہ گئے ہیں۔
