اسلام آباد(مانیٹرنگ ڈیسک)نیب نے سابق وزیراعظم شاہد خاقان عباسی کو طلب کر لیا۔نجی ٹی وی کے مطابق قومی احتساب بیورونے سابق وزیراعظم شاہد خاقان عباسی کو این ایل جی کیس میں تفتیش کیلئے طلب کیا ہے،نیب نے شاہد خاقان عباسی کو جمعے کو صبح11 بجے پیش ہونے کا حکم دیدیا ۔واضح رہے کہ اس سے پہلے نیب نےپنجاب کے سینئر وزیر علیم خان کو حراست میں لے لیا۔ذرائع کے مطابق نیب لاہور نے علیم خان کو
آف شور کمپنی اسکینڈل اور آمدن سے زائد اثاثوں کی تفتیش کے لیے آج طلب کیا تھا جس کے لیے وہ نیب آفس پہنچے جہاں انہیں حراست میں لے لیا گیا۔ذرائع کا کہنا ہےکہ نیب نے علیم خان کو آف شور کمپنی اسکینڈل میں حراست میں لیا ۔دریں اثناگرفتاری کے بعد عبدالعلیم نے وزارت سے استعفیٰ دیدیا، نجی ٹی وی جیو نیوز کے مطابق عبدالعلیم خان کے خاندانی ذرائع کا کہنا ہے کہ انہوں نے سینئر وزیر پنجاب کے عہدے سے استعفیٰ دیدیا ہے۔
