لاہور (آن لائن) سابق وزیراعظم نواز شریف کی کوٹ لکھ پت جیل سے سروسز ہسپتال منتقلی پر مرغن غذاؤں سے تواضع کی گئی ، میڈیکل بورڈ کے ڈاکٹرز بھی مسلم لیگ (ن) کے قائد کے ہمراہ شامی کباب‘ شیخ کباب‘ ڈرم سٹک‘ سموسے اور چائے کے مزے اڑاتے رہے ۔ میڈیا رپورٹس کے مطابق ہفتہ کے روز سروسز ہسپتال میں زیر علاج مسلم لی گن کے قائد نواز شریف کی چائے اور دیگر لوازمات سے تواضع کی گئی سہانے موسم کی
مناسبت سے چٹخارے دار ریفریشمنٹ کا اہتمام کیا گیا۔ سابق وزیراعظم کے لے شامی کباب‘ ڈرم سٹک‘ سموسے ‘ سیخ کباب ‘ دہی کی چتنی اور چائے کا بندوبست کیا گیا۔ میڈیکل بورڈ کے ڈاکٹرز بھی مبینہ طور پر میاں نواز شریف کے ہمراہ ریفریشمنٹ سے لطف اندوز ہوتے رہے۔ تاہم دل کے مریض کی ڈاکٹروں کی موجودگی میں مرغن غذاؤں سے تواضع ان کے مرض اور میڈیکل بورڈ کی حقیقت پر ایک سوالیہ نشان ہے۔
