اسلام آباد(مانیٹرنگ ڈیسک)31 جنوری 2019ء کو اختتام پذیر ہونے والے ہفتہ کے دوران مہنگائی کی شرح میں 8.89فیصد اضافہ، ادارہ شماریات پاکستان نے مہنگائی کی ہفتہ وار رپورٹ جاری کردی۔روزنامہ جنگ کے مطابق دودھ،گھی،آٹےسمیت15چیزیں مہنگی کردی گئیں،9اشیاء کی قیمتوں میں کمی،خشک دودھ، لکڑی، تیل،چائے سمیت29میں استحکام رہا۔ملک کے17 بڑے شہروں سے53اشیاء کی قیمتوں کاتقابلی جائزہ لیا گیا جس میں سے15اشیاءکی قیمتوں میں اضافہ9 اشیاء کی قیمتوں میں کمی جبکہ 29اشیاء کی قیمتوں میں

استحکام رہا ہے۔اس ہفتہ کے دوران ملک میں ٹماٹر،چکن (زندہ )،کیلا،پیاز،گڑ،دودھ(تازہ)،چاول اری (6)،گھی(کھلا)،خوردنی تیل،بیف، آٹا، چائےکا کپ،دال چنا،گندم اور مٹن کی قیمتوں میں اضافہ، لہسن،ایل پی جی (سلنڈر)،انڈہ (فارمی )،آلو ،سرخ مرچ (پسی ہوئی)، دال مونگ،دال مسور،ویجیٹیبل گھی،چینی کی قیمتوں میں کمی جبکہ خشک دودھ،دال ماش، آگ جلانے والی لکڑی،چاول باسمتی (ٹوٹا)، کوکنگ آئل، بیف پلیٹ،دال پلیٹ، موٹا لٹھا، دہی، مٹی کا تیل، ڈبل روٹی،نمک،چائے ،سگریٹ،لان (کپڑا)،وغیرہ کی قیمتوں میں استحکام رہا۔