اسلام آباد(مانیٹرنگ ڈیسک)وزیراعلیٰ پنجاب عثمان بزدار کو تبدیل کرنے کی خبریں محض افواہ پر مبنی ہیں۔گورنر پنجاب چوہدری محمد سرور نے بھی زیر گردش خبروں کی تردید کردی ۔نجی ٹی وی کے مطابق گورنر پنجاب چوہدری محمد سرور جڑانوالہ میں پی ٹی آئی رہنما غلام حیدر باری کے گھر گئے اور
ڈکیتی مزاحمت پر ان کے بڑے بھائی میاں غلام قادر کے قتل پر افسوس کا اظہار کیا۔اس موقع پر میڈیا سے گفتگو کرتے ہوئے انہوں نے کہا کہ عمران خان وزیراعلیٰ پنجاب کی کارکردگی سےمکمل طور پر مطمئن ہیں۔سانحہ ساہیوال کے ذمہ دار قانون کی گرفت سے نہیں بچ سکیں گے، خلیل کی فیملی کو پورا انصاف ملے گا۔
