اسلام آباد (این این آئی)چیف جسٹس آف پاکستان جسٹس آصف سعید کھوسہ نے کہا ہے کہ ا س وقت ہم 2018 کی اپیلوں کی سماعت کر رہے ہیں، انشا اللہ دو تین ماہ تک 2019 تک کی اپیلوں پر سماعت شروع ہوجائیگی۔ پیر کو چیف جسٹس آصف سعید کھوسہ نے مقدمات جلد نمٹانے سے متعلق ریمارکس دیتے ہوئے کہا کہ اس وقت ہم 2018 کی اپیلوں کی سماعت کر رہے ہیں۔چیف جسٹس نے کہاکہ انشا اللہ دو تین ماہ تک 2019 تک
کی اپیلوں پر سماعت شروع ہوجائیگی۔چیف جسٹس نے کہاکہ زیر التو مقدمات کی شرح صفر ہوجائے گی۔چیف جسٹس نے کہا کہ اللہ کا شکر ہے کہ فاصلہ کم ہوتا جا رہا ہے۔چیف جسٹس نے کمرہ عدالت میں وکیل سے مکاملہ کرتے ہوئے کہاکہ آپکے تعاون سے ہی ایسا ہوا ہے۔جس پر وکیل نے کہا کہ کوئٹہ میں بھی آپ نے ہی تمام زیر التو مقدمات ختم کیے۔چیف جسٹس نے کہاکہ اسلام آباد میں تو پورے ملک سے مقدمات آتے ہیں۔
