اسلام آباد(آئی این پی ) وزیراعظم عمران خان نے نئے سال کے موقع پر غربت، جہالت، ناانصافی اور کرپشن جیسی چار برائیوں کے خلاف جہاد کے عزم کا اظہار کرتے ہوئے کہا ہے کہ انشا اللہ سال 2019 پاکستان میں سنہرے دور کا آغاز ہوگا۔ منگل کو سماجی رابطے کی ویب سائٹ ٹوئٹر پر اپنے پیغام میں وزیراعظم نے لکھا کہ ہمارے نئے سال کا عزم ملک کی چار برائیوں غربت،

جہالت، ناانصافی اور کرپشن کے خلاف جہاد ہے۔ساتھ ہی وزیراعظم نے امید کا اظہار کیا کہ ‘انشا اللہ سال 2019 پاکستان میں سنہرے دور کا آغاز ہوگا۔قبل ازیں پاک فوج کے ترجمان میجر جنرل آصف غفور نے بھی سال نو پر قوم کو خصوصی پیغام دیا۔ان کا کہنا تھا کہ 2019 انشا اللہ پاکستان کی ترقی کا سال ہوگا، پر امن، متحرک اور آگے بڑھتا ہوا پاکستان ہمارا قومی عزم ہے۔