لاہور (مانیٹرنگ ڈیسک) تحریک انصاف کی مرکز اور پنجاب میں حکومت صرف تین منٹ میں گر جائے گی، یہ بات معروف تجزیہ کار حبیب اکرم نے ایک نجی ٹی وی چینل کے پروگرام میں کہی، انہوں نے کہا کہ اگر ن لیگ وزیراعلیٰ پنجاب کے لیے مسلم لیگ (ق) کے امیدوار کی حمایت کرے تو تحریک انصاف کی پنجاب میں حکومت تین منٹ میں گر جائے گی، انہوں نے کہا کہ یہی صورتحال مرکز میں بھی درپیش ہو سکتی ہے،
انہوں نے کہا کہ اس کے بعد عمران خان کے پاس صرف خیبرپختونخوا میں حکومت رہ جائے گی اور تحریک انصاف کو وہاں بھی مشکلات کا سامنا کرنا پڑے گا کیونکہ مولانا فضل الرحمان پہلے سے زیادہ مضبوط ہو جائیں گے۔ حبیب اکرم نے کہا کہ سندھ میں پیپلز پارٹی کی حکومت کو گرانا تحریک انصاف کے لیے اتنا آسان نہیں ہو گا، اس لیے حکومت کو اپنی کارکردگی پر توجہ دینی چاہیے جو وہ نہیں دے رہی۔
