اسلام آباد(این این آئی)وزیر اعظم عمران خان نے پولی کلینک کا اچانک دورہ کیا، وزیر اعظم نے ہسپتال کے مختلف شعبوں کا دورہ کیا اور مریضوں کو فراہم کی جانے والی طبی سہولتوں پر بریفنگ لی۔ وزیر اعظم نے مریضوں کو ادویات کی فراہمی اور دیگر طبی سہولیات کی فراہمی سے متعلق ہسپتال انتظامیہ
سے استفسارکیا۔ عمران خان نے بہتر انتظامات اور سروسز کی فراہمی پر ہسپتال انتظامیہ کی کارکردگی کو سراہا ۔مریضوں سے بات چیت کرتے ہوئے کہاکہ معیاری علاج کی سہولیات فراہمی کے تسلسل کو جاری رکھا جائے۔ وزیراعظم کے ہمراہ وزیر صحت عامر کیانی، معاون خصوصی افتخار درانی تھے۔
