اسلام آباد(آن لائن) حکومت نے 2 جنوری کو ہونے والی مہمند ڈیم منصوبے کے انعقاد کی تقریب کو منسوخ کردیا ہے۔ترجمان واٹر اینڈ پاور ڈویلپمنٹ اتھارٹی (واپڈا) نے تصدیق کی کہ وزیر اعظم عمران خان کی جانب سے چیف جسٹس آف پاکستان میاں ثاقب نثار کے ہمراہ ڈیم منصوبے
کے انعقاد کی تقریب کو منسوخ کردیا گیا ہے۔ ان کا کہنا تھا کہ تقریب کو منسوخ کردیا گیا ہے اور نئی تاریخ کا ابھی حتمی فیصلہ نہیں ہوا ہے ۔ واضح رہے کہ 309ارب روپے کی لاگت سے تیار ہونے والے مہمند ڈیم کے بارے میں کہا جاتا ہے کہ یہ ملک میں پانی اور پانی کی کمی کو پورا کرے گا۔
