اسلام آباد(مانیٹرنگ ڈیسک)سپریم کورٹ میں پیش نہ ہونے اور عدالتی اجازت کے بغیر ہیلتھ کیئر کمیشن تشکیل دینے پر پی ٹی آئی کی صوبائی وزیر صحت ڈاکٹر یاسمین راشد کو توہین عدالت کا نوٹس جاری۔ تفصیلات کے مطابق سپریم کورٹ لاہور رجسٹری میں چیف جسٹس آف پاکستان جسٹس میاں ثاقب نثار کی سربراہی میں دو رکنی بنچ نے پنجاب ہیلتھ کیئر کمیشن کے قیام سے متعلق کیس کی سماعت کی۔ عدالت عظمیٰ نے پنجاب ہیلتھ کیئر کمیشن کا بورڈ بھی تحلیل کرتے ہوئے ریمارکس دیئے

کہ بورڈ ممبران کی تقرری سپریم کورٹ سے منظوری کے بغیر کی گئی.سپریم کورٹ نے مجوزہ نام سپریم کورٹ کے سامنے پیش کرنے کا حکم دے رکھا تھا۔ سپریم کورٹ کی منظوری کے بغیر ہی نوٹیفیکیشن جاری کر دیا گیا۔عدالت نے عدالتی حکم کی خلاف ورزی پرصوبائی وزیر صحت ڈاکٹر یاسمین راشد، چیف سیکرٹری پنجاب اور سیکرٹری صحت سمیت سپیشل سیکرٹری ہیلتھ کو توہین عدالت کا نوٹس جاری کرتے ہوئے دو دن میں نوٹس کا جواب دینے کا حکم دیدیا ہے۔

موضوعات:چیف جسٹس سپریم کورٹ لاہور رجسٹری صوبائی وزیر صحت ہیلتھ کیئر کمیشن یاسمین راشد