اسلام آباد(مانیٹرنگ ڈیسک)نواز شریف نے نیب عدالت سے العزیزیہ ریفرنس میں قید کی سزا سنائے جانے پر جیل بھیج دینے کے بعد رات اڈیالہ جیل میں گزاری، انہوں نے ابھی تک کچھ نہیں کھایا۔جیل ذرائع نے بتایا کہ راولپنڈی جیل میں نوازشریف کی سیکیورٹی پر 6 اہلکار تعینات رہے۔نواز شریف کو راولپنڈی سے لاہورکی  کوٹ لکھپت جیل منتقلی سے متعلق

آگاہ کر دیا گیا ہے اور ان کی کوٹ لکھپت جیل منتقلی کے انتظامات کیے جا رہے ہیں۔اڈیالہ جیل اور اطراف میں سیکیورٹی الرٹ کر دی گئی ہے، اڈیالہ جیل پر ایلیٹ فورس اور جیمر گاڑی پہنچا دی گئی ہے۔نواز شریف کو قومی ایئر لائن کے ذریعے لاہور منتقل کیے جانے کا امکان ہے۔اڈیالہ جیل کے باہر ن لیگی کارکنوں کی بہت بڑی تعداد جمع ہو گئی ہے ۔