اسلام آباد (مانیٹرنگ ڈیسک)فیصلہ آنے سے قبل سابق وزیراعظم نوازشریف ، عباس آفریدی کے گھر پر موجود جہاں وہ وکلاءسے مشاورت کر رہے ہیں ۔نجی ٹی وی  کے مطابق نوازشریف نے رہنماﺅں سے گفتگو کرتے ہوئے کہا کہ مجھے کسی قسم کا کوئی خوف نہیں ہے ، میرا ضمیر مطمئن ہے ، کوئی غلط کام نہیں کیا جس پر سر جھکانا پڑے ، کرپشن اور اختیارات کا ناجائز

استعمال بھی نہیں کیا ہے ۔ان کاکہناتھا کہ ایمانداری سے ملک اور عوام کی خدمت کی ہے جبکہ کیس میں کچھ نہیں ہے اس لیے زیادہ زیادتی کر بھی نہیں سکتے ۔ان کا کہناتھا کہ ایک بار پھر پاکستان کو پٹڑی سے اتار دیا گیا ہے،موجودہ حکومت نے عوامی ترقی کے سفر کو سبوتاژ کردیا ہے ۔دوسری جانب احتساب عدالت کے باہر لیگی کارکنوں کی بہت بڑی تعداد جمع ہو گئی ہے ۔