اسلام آباد(مانیٹرنگ ڈیسک) سینئیر صحافی صابر شاکر نے انکشاف کیا ہے  کہ ایسے صاحب بھی ہیں جنہوں نے مقدمات سے جان چھڑانے کے لیے 4 ارب ڈالر کی پیشکش کی ہے۔ وہ شریف فیملی نہیں بلکہ کوئی اور شخصیت ہے۔انہوں نے مزید کہا کہ اگر سابق وزیراعظم نواز شریف اور سابق صدر آصف علی زرداری 10, 10ارب ڈالر دے دیں تو پھر یہ بچ سکتے ہیں۔یاد رہے اس سال کے اختتام سے پہلے ملک

کی بڑی عدالتوں میں بڑی سیاسی جماعتوں کے بڑے سیاسی رہنمائوں سے متعلق بڑے فیصلے ہونے جا رہے ہیں۔خدشہ ظاہر کیا جا رہا ہے کہ کئی سالوں تک ملک پر حکمرانی کرنے والے سیاستدان اب جیل کی سلاخوں کے پیچھے ہونگے۔سابق وزیراعظم نواز شریف کے خلاف نیب ریفرنسز کا فیصلہ 24 دسمبر کو آئے گا۔ اسی تناظر میں دونوں جماعتوں نے  اپنی اپنی حکمت عملی کو فائنل کرلیا ہے ۔

موضوعات:صابر شاکر