اسلام آباد (این این آئی)وزیراعظم عمران خان نے مقبوضہ کشمیر کے علاقے پلوامہ میں بھارتی سیکورٹی فورسز کی جانب سے معصوم شہریوں کے قتل کی شدید مذمت کرتے ہوئے کہا ہے کہ مقبوضہ کشمیر میں بھارت کی جانب سے انسانی حقوق کی خلاف ورزیوں کے مسئلے کو اٹھائیں گے ٗصرف مذاکرات ہی اس تنازعہ کا حل ہیں، تشدد اور

قتل عام مسئلہ کا حل نہیں۔ اتوار کو ٹویٹر پر اپنے پیغام میں وزیراعظم عمران خان نے کہا کہ ہم مقبوضہ کشمیر میں بھارت کی جانب سے انسانی حقوق کی خلاف ورزیوں کے مسئلے کو اٹھائیں گے ، اقوام متحدہ کی سلامتی کونسل سے یہ مطالبہ کرتے ہیں کہ وہ جموں و کشمیر کے عوام کو حق خود ارادیت دلانے کا اپنا وعدہ پورا کرے۔

موضوعات:عمران خان