کراچی(این این آئی)صدر ڈاکٹر عارف علوی نے پاکستانیوں کو ملکی اشیا خریدنے کا مشورہ دیا ہے۔صدر مملکت ڈاکٹر عارف علوی نے سوشل میڈیا پر بیان جاری کیا جس میں انہوں نے کہاکہ پاکستانیوں کو لگژری اشیاء کی خریداری سے اجتناب کرنا چاہئے اور روپے پر دباؤکے باعث پاکستانی ملک میں بنی اشیاء خریدیں۔

ڈاکٹر عارف علوی نے کہا کہ اگر ہم ملکی اشیاء پر غور کریں تو روزانہ کے استعمال کی بے شمار چیزیں ہیں جس کو ہم لگژری اشیاء پر فوقیت دے سکتے ہیں اور یہ ہم سب کو ملکر کر کرنا چاہیے۔واضح رہے دو روز قبل پاکستانی روپے کی قدر میں ریکارڈ کمی دیکھی گئی اور ڈالر تاریخ کی بلند ترین سطح 142 پر پہنچ گیا تھا۔