اسلام آباد(مانیٹرنگ ڈیسک)وفاقی حکومت نے دسمبر کیلئے پٹرولیم مصنوعات کی نئی قیمتوں کا اعلان کردیا۔ اسلام آباد میں پریس کانفرنس کرتے ہوئے وزیر خزانہ اسد عمر نے اعلان کیا کہ پٹرول اور ڈیزل کی قیمت میں 2روپے فی لٹر اور مٹی کے تیل کی قیمتوں میں 3روپے فی لٹر کمی کر رہے ہیں ،لائٹ ڈیزل کی قیمت میں 5روپے کمی کردی گئی ہے ۔
قیمتوں کا اطلاق آج رات 12بجے سے ہوگا۔اوگرا کی جانب سے پیٹرولیم مصنوعات کی قیمتوں میں 10 روپے تک اضافے کی سمری حکومت کو ارسال کی گئی تھی تاہم عالمی مارکیٹ میں قیمتیں کم ہونے کی وجہ سے حکومت نے قیمتوں میں کمی کا اعلان کیا۔واضح رہے کہ آج روپے کی قدر میں ریکارڈ کمی ہوئی اور ڈالر کی قیمت142 روپے تک پہنچ گئی ہے۔
