کراچی(مانیٹرنگ ڈیسک) حکومت کے ابتدائی چار ماہ ، پی ٹی آئی کی حکومت نے 76 کروڑ 40 لاکھ ڈالر قرض لے لیا۔ تفصیلات کے مطابق جولائی سے اگست میں حکومتی قرضوں کا حجم 82 کروڑ ڈالر تھا، مالی سال کے ابتدائی دو مہینوں میں ملکی مالیاتی نظام نگراں حکومت کے پاس تھاتاہم پی ٹی آئی کی حکومت جب برسر اقتدار آئی

تو قرض لینے کا یہ سلسلہ اسی طرح برقرار رہا ہے ، نئی حکومت نے ستمبر اور اکتوبر کے دوران 76 کروڑ 40 لاکھ ڈالر قرض لیا۔ حکومت نے 32 کروڑ ڈالر کمرشل بینکوں، 23 کروڑ ڈالر چین جب کہ 7 کروڑ ڈالر اسلامک ڈیولپمنٹ بینک سے قرض لیا۔ اندازے ہیں کہ مالی سال 2019 میں حکومت 9 ارب 69 کروڑ ڈالر قرض لے گی۔

موضوعات:حکومتی قرض