اسلام آباد (مانیٹرنگ ڈیسک) علیمہ خان نے دبئی میں جائیداد کیسے بنائی؟ چیف جسٹس آف پاکستان ثاقب نثار نے عمران خان کی بہن علیمہ کی دبئی میں جائیداد کے معاملے کا ازخود نوٹس لے لیا ہے، ایک نجی ٹی وی چینل نے ذرائع کے حوالے سے بتایا کہ وزیراعظم عمران خان کے حوالے سے جو رپورٹس سامنے آئی ہیں اور جو

انہوں نے جرمانہ جمع کروایا ہے اس پر چیف جسٹس نے از خود نوٹس لے لیا ہے، مصدقہ ذرائع کا کہنا ہے کہ لندن میں چیف جسٹس ثاقب نثار سے صحافیوں نے سوال اٹھائے تھے کہ علیمہ خان کی جو جائیداد سامنے آئی ہے، اس پر نوٹس کیوں نہیں لیا گیا۔ ذرائع کا کہنا ہے کہ باقاعدہ اس کیس پر سوموٹو ایکشن لیا جا چکا ہے۔