اسلام آباد(مانیٹرنگ ڈیسک)چیف جسٹس ثاقب نثاراس وقت برطانیہ میں فنڈ ریزنگ مہم میں مصروف ہیں ۔ ڈیم فنڈ ریزنگ کے ساتھ چیف جسٹس کی پریس کانفرنسز کا سلسلہ بھی جاری ہے۔ ایک ایسی ہی پریس کانفرنس کے دوران صحافی نے چیف جسٹس سے سوال کیا ” آرمی کے اندر بھی کرپشن ہے، کرپشن میں جو جرنیل ملوث ہیں ان کے
خلاف کیا قدم اٹھائیں گے۔ بالخصوص افغانستان بارڈر پر جن جرنیلوں نے کرپشن کی اس کے حوالے سے آپ نے کیا کیا ؟“۔صحافی کے اس سوال پر چیف جسٹس نے کہا ”میرے محترم شاید آپ کورٹ پروسیڈنگز کو فالو نہیں کر رہے ، اگر آپ ان آرڈرز کو دیکھیں جو ہم نے جاری کیے ہیں تو آپ کو سارے سوالوں کے جواب مل جائیں گے“۔
