اسلام آباد(آن لائن)قومی اسمبلی میں اپوزیشن لیڈر شہباز شریف کے سٹی اسکین کے 3ٹیسٹ مکمل کر کے انکوروانہ کر دیا گیامیڈکل بورڈ کل پیر کو شہباز شریف کے تینوں سٹی اسکین کا جائزہ لے گاجس میں انکے جسم میں دوبارہ سرطان پھیلنے کے جراثیم کا معائنہ ہو گا۔تفصیلات کے مطابق اتوار کے روز نیب کی ٹیم کی حفاظتی تحویل میں قومی اسمبلی میں اپوزیشن لیڈر شہباز شریف کواسلام آباد کے ایف ایٹ مرکز میں واقع ایک نجی ہسپتال میں سٹی اسکین کرانے کے لئے لایا گیا
جہاں پر سکیورٹی کے سخت انتظامات کئے گئے تھے۔ میڈکل بورڈ نے شہباز شریف کے سینے ،پیٹ اور ناف کے3 سٹی اسکین سمیت مختلف نوعیت کے ٹیسٹ کئے جس کے بعد نیب کی ٹیم دوبارہ شہباز شریف کو منسٹر انکلیو لے کر واپس چلی گئی۔ اب میڈکل بورڈ شہباز شریف کے تینوں سٹی اسکین کا جائزہ لیکر کل فیصلہ کرے گا کہ انکے جسم میں سرطان کس حد تک پھیل چکا ہے تاکہ اسکے مطابق انکو میڈسن تجویز کی جاسکے ۔اسکے علاوہ نیب کی ٹیم کل شہباز شریف کو دوبارہ لاہور واپس لے کر جائے گی۔
