ابوظہبی(این این آئی) وزیراعظم عمران خان کے متحدہ عرب امارات کے دورے کے دوران نائب صدر اور وزیراعظم شیخ راشد المکتوم نے سوشل میڈیا پر انہیں اردو زبان میں خوش آمدید کہا۔میڈیارپورٹس کے مطابق شیخ محمد راشد المکتوم نے سماجی رابطوں کی ویب سائٹ ٹوئٹر پر اپنے پیغام میں عمران خان کو اردو میں خوش آمدید کہا جس پرسب کو ہی خوشگوارحیرت ہوئی۔نائب صدر و وزیر اعظم نے لکھا کہ ہم وزیراعظم پاکستان عمران خان و متحدہ عرب امارات آمد پر خوش آمدید
کہتے ہیں۔ پاکستان سے ہمارے بھائی چارے اور باہمی تجارت کی طویل تاریخ ہے اور ہمیں مشترکہ تعلقات پر فخر ہے۔سوشل میڈیا صارفین نے اس ٹویٹ کی خوب پذیرائی کی اور اسے پاکستان اور امارات کے باہمی تعلقات کی مضبوطی سے تشبیہہ دی۔واضح رہے کہ وزیراعظم عمران خان اور شیخ محمد بن راشد المختوم ایک ہی یونیورسٹی میں تھے اور ایک ساتھ ان دونوں نے آکسفورڈ یونیورسٹی سے تعلیم حاصل کی ہے، ان دونوں میں پرانی اور گہری دوست آج بھی موجود ہے۔