اسلام آباد(مانیٹرنگ ڈیسک) وفاقی دارالحکومت اسلام آباد سے ایس پی پشاور رورل طاہر داوڑ کے بعد ایک اور اہم ترین افسر لاپتہ ہو گئے ہیں۔ میڈیا رپورٹس کے مطابق سی ڈی اے کے ڈپٹی ڈائریکٹر محمد ایاز کل تھانہ آب پارہ کے علاقے سے لاپتا ہوئے، وہ کل دوپہر ڈھائی بجے دفتر سے نکلے اور اس کے بعد سے لاپتا ہیں۔پولیس کا کہناہےکہ ڈپٹی ڈائریکٹر سی ڈی اے محمد ایاز کے پی اے نے
پولیس کو واقعے سے آگاہ کیا۔پولیس کے مطابق لاپتا سرکاری افسر کی سی ڈی آر نکلوا رہے ہیں اور تمام سیکیورٹی اداروں کو واقعے سے آگاہ کردیا ہے۔خیال رہے کہ محمد ایاز کے لاپتہ ہونے سے پہلے اسلام آباد سے اغوا ہونیوالے ایس پی پشاور رورل طاہر داوڑ کی تشدد زدہ لاش چند روز قبل افغانستان سے ملی تھی انہیں اسلام آباد کے سیکٹر جی ٹین سے اغوا کیا گیا تھا۔
