اسلام آباد(مانیٹرنگ ڈیسک)مسافروں سے بھرے ہوئے پی آئی اے طیارے کو حادثہ، لینڈ کرتے ہوئے رن وے سے اتر کرکچے میں داخل ہوگیا۔ تفصیلات کے مطابق پی آئی کی پرواز پی کے 517کراچی سے پنجگور آرہی تھی کہ لینڈنگ کے دوران پنجگور ائیرپورٹ پرطیارہ بےقابو ہو کر رن وے سے اتر کر کچے میں
اتر گیا جس سے جہاز کا ایک ٹائر پھٹ گیا ، خوش قسمتی سے جہاز میں سوار تمام مسافر محفوظ رہے، واقعہ کے بعد تمام مسافروں کو جہاز سے اتار کر ایئرپوٹ لاؤنج تک پہنچایا گیا۔ذرائع کے مطابق جہاز رن وے سے آگے کچےمیں کھڑا کر دیا گیا جہاں ٹیکنیکل سمیت متعلقہ حکام اس صورتحال کا جائزہ لے رہے ہیں۔
