اسلام آباد (مانیٹرنگ ڈیسک)نواز شریف نیب مقدمات میں پیشگی بھگت رہے ہیں جس میں مختلف وکلا کیسز کی پیروی کرتے رہے ہیں ، تاہم ابھی انکشاف کیا گیا ہے کہ نیب مقدمات کی فیس کے بدلے میں سابق وزیراعظم میاں نواز شریف نے سونے کی کان دیدی ہے ۔ قومی اخبار میں شائع ہونیوالی خبر کے مطابق سابق وزیراعظم نواز شریف نے نیب مقدمات کو ختم کروانے کیلئے فیس کیمد میں ایک کمپنی کو ریکوڈیک کے علاقہ میں ریکوڈیک کی سونے کی کان کا ایک بڑا علاقہ مفت میں دیدیا ہے ۔ مذکورہ کمپنی 2سال سے زائد عرصہ سے سونا

نکال کر بڑے ملک کو بھجواتی رہی ہے۔جبکہ دوسری جانب  احتساب عدالت نے سابق وزیراعظم نواز شریف کی حاضری سے استثنی کی درخواست منظور کرلی۔ جمعہ کو احتساب عدالت میں سابق وزیراعظم نواز شریف کے خلاف فلیگ شپ ریفرنس کی سماعت جج محمد ارشد ملک نے کی ۔خواجہ حارث نے نوازشریف کی حاضری سے استثنی کی درخواست دائر کی جس میں موقف اپنایا گیا کہ سیکیورٹی خدشات کے باعث نوازشریف پیش نہیں ہوسکتے۔احتساب عدالت نے سابق وزیراعظم نوازشریف کی حاضری سے استثنی کی درخواست منظور کرلی۔