اسلام آباد (نیوز ڈیسک) پاکستان مسلم لیگ (ن) کے قائد سابق وزیراعظم نواز شریف نے کہا ہے کہ ہم سب کو اس ملک و ملت کی خیر مانگنی چاہئے‘ ہماری حکومت میں ڈالر 104 سے بڑھا ہی نہیں‘ ہمارے دور میں مہنگائی بالکل بھی نہیں تھی‘ آج عوام کی دعائوں کا نتیجہ ہے کہ مسلم لیگ (ن) کامیاب ہورہی ہے۔ پیر کو سابق وزیراعظم نواز شریف نے احتساب عدالت کے باہر میڈیا سے گفتگو کرتے ہوئے کہا کہ ہم نے لاہور سے پی ٹی آئی سے سیٹیں جیت لی ہیں۔ یہ پیغام ہے کہ
آنے والا وقت کیسا ہوگا۔ ہم سب کو اس ملک و ملت کی خیر مانگنی چاہئے۔ ہم نے بڑی محنت اور جانفشانی کے ساتھ اپنا فرض ادا کیا۔ ہماری حکومت میں ڈالر 104 سے بڑھا ہی نہیں۔ اس حکومت کے ابھی 55 دن ہوئے ہیں ڈالر کہاں پہنچ گیا ہے۔ ہمارے دور میں مہنگائی بالکل بھی نہیں تھی۔ ہمارے دور میں ہر چیز پر کنٹرول تھا۔ لوگ ہماری حکومت سے مطمئن اور خوش تھے۔ آج عوام کی دعائوں کا نتیجہ ہے کہ مسلم لیگ (ن) کامیاب ہورہی ہے۔ آئندہ وقت میں سارے حالات بدل جائینگے۔
