اسلام آباد (آئی این پی)ملک کی اقتصادی صورتحال، وزیراعظم عمران خان نے بڑے فیصلے کرلئے،تاجر برادری، صحافیوں اور قوم کو اعتماد میں لینے کا فیصلہ، وزیر اعظم عمران خان نے اقتصادی پالیسی پر مختلف طبقات کو اعتماد میں لینے کا فیصلہ ، وزیر اعظم کی اتوار کو تاجر برادری ، پیر کو سینئر صحافیوں سے ملاقات کے بعد قوم سے خطاب بھی متوقع ہے ۔ نجی ٹی وی کے مطابق وزیر اعظم کااقتصادی پالیسی پر مختلف طبقات کو اعتماد میں لینے کا فیصلہ کر لیا گیا ۔
وہ اتوار کو تاجر برادری سے ملاقات متوقع ہے اور پیر کو سینئر صحافیوں سے ملاقات ہو گی ۔ وزیر اعظم عمران خان کا آئندہ ہفتے قوم سے خطاب متوقع ہے جس میں وہ آئی ایم ایف سے مذاکرات سے متعلق قوم کو آگاہ کرینگے ۔ دریں اثناء وزیر اعظم عمران خان سے فاٹا سے تعلق رکھنے والے سینیٹرز کے وفد کی وزیر اعظم آفس میں ملاقات کی جس دوران وزیراعظم نے کہاکہ انضمام کے عمل کی تکمیل اور قبائلی علاقہ جات میں ملک کے دیگر علاقوں کی طرح سہولیات کی فراہمی حکومت کی اولین ترجیح ہے،حکومت کی کوشش ہے کہ قبائلی علاقوں میں لوکل گورنمنٹ کے نفاذ کو جلد از جلد ممکن بنایا جائے۔ جمعہ کو زیر اعظم عمران خان سے فاٹا سے تعلق رکھنے والے سینیٹرز کے وفد کی وزیر اعظم آفس میں ملاقات کی۔وفد میں سینٹر سید شبلی فراز، سینیٹر ہدایت اللہ، سینیٹر ہلال الرحمان، سینیٹر اورنگزیب، سینیٹر تاج محمد، سینیٹر سجاد حسین، سینیٹر حاجی مومن خان اور سینیٹر مرزا محمد آفریدی شامل ۔قبائلی علاقوں کی مجموعی صورتحال ، فاٹا انضمام، انتظامی امور اور دیگر ایشوز پر تبادلہ خیال انضمام کے عمل کی تکمیل اور قبائلی علاقہ جات میں ملک کے دیگر علاقوں کی طرح سہولیات کی فراہمی حکومت کی اولین ترجیح ہے ، عمران خان نے کہاکہ قبائلی علاقہ جات میں لوکل گورنمنٹ کے نفاذ سے عوام کو صحیح معنوں میں بااختیار بنانے ترقیاتی عمل کو یقینی بنانے میں خاطر خواہ مدد ملے گی۔ حکومت کی کوشش ہے کہ قبائلی علاقوں میں لوکل گورنمنٹ کے نفاذ کو جلد از جلد ممکن بنایا جائے ۔
