لاہور ( این این آئی)وزیر اعلیٰ پنجاب سردار عثمان بزدار نے صوبے کے ڈویژنل ہیڈکواٹرز پر صوبائی کابینہ کے اجلاس منعقد کرنے کا فیصلہ کر لیا۔ذرائع کے حوالے سے بتایا گیا ہے کہ پنجاب کابینہ کا ڈویژنل ہیڈ کوارٹر پر پہلا اجلاس ملتان میں بلایاجائے گا اور بجٹ منظوری کے بعد پنجاب کے تمام ڈویژنل مقامات پر کابینہ کے اجلاس ہوں گے
جن میں آئی جی پولیس ،چیف سیکرٹری ، تمام سیکرٹری صاحبان بھی شریک ہوں گے۔ذرائع کے مطابق وزیر اعلی پنجاب تمام ڈویژنل ہیڈکوارٹر پر دودن گزاریں گے ،ایک د ن کا بینہ کااجلاس جبکہ دوسرے روز مقامی اراکین اسمبلی کے ساتھ ملاقات کیا کریں گے ۔ڈویژنل مقامات پرکابینہ کے اجلاسوں میں مقامی معاملات پر بھی اہم فیصلے ہوں گے۔
